姚子羚情敌蔡宛珊涉做小三疑挞着人夫：渠太太都知道我哋一齐

    姚子羚去年被指与蔡宛珊（Sarika）结婚8年老公RaymondYoung（杨伟文）挞着，最后Sarika亦认太痛斩缆决定离婚。事隔一年，现时35岁的蔡宛珊今日（29/10）又被传媒揭最近与香港一位薄有名气的纹身师傅DustWu（胡仔）拍拖，行为亲密，惟胡仔其实于2015年已经与台湾艺人林家璜（Kitty）结婚，并育有4岁女儿，Sarika顿时由脱单变「第三者」

    对于成为第三者一事，《香港01》致电Sarika求证，而Sarika亦直认与胡仔已拍拖2至3个月，并澄清自己不是第三者：「其实渠（胡仔）同渠太太已经分开咗一年，亦都分得好清楚，渠太太亦都知道我哋喺埋一齐，不过胡仔系因为疫情关系，所以飞唔到去台湾办手续，咁我都明白慨，始终我都系过来人，我自己都系今年8月先完成晒所有手续，所我都好体谅慨！」而Sarika亦表示，自己与胡仔非常坦白，表示男方曾花接近两个月时间去向Sarika解释自己的过去，她亦表示男方对自己好好：「我哋绝对系见得光慨，唔系好似报道所指慨第三者，我哋身边所有朋友同家人都知道我哋拍拖，只系无特登去公开，亦冇特登去隐瞒，如果唔系我哋都唔会咁『公开』咁喺IGPost啲合照啦！」